Willkommen im Leigraben

Hüt hämr uns schweren Härzens vo unsere 2 Wullesöi trennt. Si sind jetzt bim Metzger.

Worum hämr uns denn drvo trennt, wenn's uns so schwer fallt, froged Ihr Euch jetzt wohrschiinlich? Das het mehreri Gründ: Mr finde es g'hört halt au drzue Söi z'schlachte, wenn me scho het - oder me verzichtet ganz ufs Fleisch ässe. Denn goht's au rächt ins Gäld, die Söi eifach z'halte, au wenn Ihr alli fliessig mithälfed! - eso hämr e Gegewärt. Und zum Dritte: Mr hän uns für Wullesöi entschiede, will mr wän hälfe, dass die Rässe nid usstirbt. Jetzt isch es eso, dass mr bis hüt nid useg'funde hän, wär dr Vater vo unserne Söi isch. Somit chönne mr se nid ins Zuchtbuech ihtrage loh, sprich für d'Arterhaltig sind si nutzlos. So trenne mir uns vo unserne zwei "Wilde" und föhn nomol neu ah. Mr wärde nägscht Wuche e Muetter mit 8 Junge go hole (hüt sind si 4 Dag alt!).

Für all die weniger Sentimentale: Ab nägscht Wuche cha me bi uns Wullesau-Fleisch kaufe! Mr hälte uns an d'Priise vo ProSpeziaRara: Fr. 30.--/kg.

Do no e paar Foteli zum Abschied.